ඔබටත් හිමි සෙවන සහිත ගෙවත්තක්ද...??

         

                  ස්වභාවධර්මයේ අපූරැ චමත්කාරජනක නිර්මාණයක් මල්... බොහෝ මල්වර්ග සදහා අවශ්‍යවන්නේ ඍජු හිරැඒළියයි. නමුත් ඊට හාත්පසින්ම වෙනස් මල් වර්ගයක් වන්නේ අැන්තූරියම්. සෙවන ප්‍රියකරන ශාකයක් වන මෙය අපනයන වෙළදපළ තුළත් ඉතා ජනප්‍රියයි.

              අැන්තූරියම් ප්‍රභේද කිහිපයකින්ම යුක්ත වනවා. 

 

 

                                                      Tropical /ට්රොපිකල් -රතු         
                                                      Midori/ මිඩෝරි- කොළ 
                                                      Rapido /රැපිඩෝ -දම්
                                                      Cassis /කැසිස්- දම්
                                                      Peruzzi /පිරුසි -දම්
                                                      Maxima/ මැක්සිමා- ලා දම්
                                                      Merengue /මෙරැන්ගි- සුදු
                                                        Esmeralda /එස්මෙරෙල්ඩා-කොළ
                                                        Ceasor /සීසර් -තද දම්
                                                        Chichas/ චිකාස් -දුඹුරු
                                                        Monroe /මොන්රෝ -තද රෝස
                                                        Noblesse /නෝබ්ලස් -ලා රෝස
                                                        Salasaga /සලාසගා -පබලු රෝස
                                                        Baroque /බැරක් -කොළ
                                                        Privilege ප්රිවිලෙප් -තද රතු
                                                        Akapana /අකපනා -සුදු කොළ
                                                        Titicaca /ටිටිකාකා- සුදු කොළ
                                                        Ivory /අයිවරි -සුදු

  දකුණු අැමරිකාව නිජ භූමිය කරගත් අැන්තූරියම්හි විද්‍යාත්මක නාමය වන්නේ Anthurium andreanum ය. මෙහි කොටස් ලෙස මල, මල් පොහොට්ටුව, ළපටි පත්‍රය, කද, මූල පද්ධතිය, පත්‍රය, මල් නටුව, නාරටිය, මැද නාරටිය, පත්‍ර නටුව, අංකුරය අාදිය දැක්විය හැකිය. ප්‍රමිතියෙන් තොර මල් හට ගැනීම සදහා ප්‍රධාන හේතුව වන්නේ ශාකයේ වර්ධනයට අවශ්‍ය

පාරිසරික දත්ත නොලැබී යාමයි. සෙවණ මෙන්ම අාලෝකය, උෂ්ණත්වය, ජල වාෂ්ප අාර්ද්‍රවතාවයද මේ සදහා වැදගත් වන පාරිසරික සාධක වේ. අැන්තූරියම් සදහා ජලය යෙදීමේදී සැලකිලිමත් වියයුතු කරැණු ද කිහිපයකි. පෝච්චියේ සිදුරෙන් ජලය ගලායන තෙක් යෙදීම සුදුසු නොවේ. පත්‍ර සහ මාධ්‍යය මතුපිට පමණක් තෙමී යන පරිදි ජලය යෙදීම ප්‍රමාණවත්ය. බීමට සුදුසු පිරිසිදු ජලය පමණක් භාවිතා කරන්න. ක්ලෝරීන් අඩංගු ජලය භාවිතා කිරීමට සිදුවේ නම් පැය 24ක් ගබඩාකර තැබීමෙන් පසු භාවිතා කරන්න. වර්ධනය වූ ශාකයක් සදහා වරකට ජලය ලීටරයක් යෙදීම ප්‍රමාණවත්ය. හොදින් ජලය බැසයන පරිදි සකසා තිබේ නම් වර්ෂා ජලය අහිතකර නොවේ. වගා මාධ්‍යයන් ලෙස පොල්ලෙලි, ගංගා වැලි, කොහුබත්, රලු වැලි, දිරාගිය කොළ පොහොර කොටස්, වියලි ගොම, ගඩොල් හෝ උලු කැට අාදිය සුදුසු වේ.

 

ඇන්තුරියම් සදහා සුවිශේෂි වෙළද පොලක් තිබිමට හේතු,

• කැපු මලක් වශයෙන් දිගු ආයුකාලයක් සහිතවීම.

• විවිධ වර්ණ වලින් සමන්විත වීම.

• ඕනෑම සැරසිල්ලක් සදහා උචිත වීම.

• ආකර්ෂණිය හැඩයකින් යුතු දිලිසෙන කොපුවක් සහිතවිම.

• ශක්තිමත් නටුවක් සහිත වීම.

• පරිසරය සජීවීකරණ හැකියාවක් සතුවීම.

• අමුත්තන් පිළිගැනීම සදහා විදේශිය රට වලදී වැඩි වශයෙන් භාවිතා විම.

• ශිත කාලගුණ තත්වයන් සහිත රටවල වගාකළ නොහැකි වීම.

• ප්‍රවාහනයේදී සිදුවන හානි අවම වීම.